گوڵەستێرە

ئەو شەوەی دایکت

دووگیان بوو،

ئێوارەکەی

باوەشێک گوڵی رنی بوو !

ئەو رۆژەش تۆی هێنایە ژین

شەوی پێشوو

پۆلێک ئەستێرەی چنی بوو !

هەر بۆیەش تۆ

هەم لە ئەستێرە دەچیت و

هەمیش لەگوڵ !

هەم دەمێنی هەناسەیت و

هەمیش ترپە و لێدانی دڵ !

شەوی یەڵدا

٢٠٢٣/١٢/٢١

گوڵەستێرە: مەگەزێکی پەپوولەییە ،شەوانە وەک ئەستێرە دەدرەوشێتەوە.

دەمێن: دەماندنن بە کردەی ئەو هەوایە دەووترێ لەگەشاندنەوەی پشکۆی ناو کوورەی ئاسنگەر بەکار دێ، وەک جۆرێک لە باوەشێنکردن.