چیا بڵندە

پێهەڵگەڕانی سەختە

من بە گەلێک چیای سەخت هەڵگەڕاوم

سەختترینیانم نەبڕی و

لە خەوەکەم واگاهاتم

خەو

هەموو شتێک تێکدەدات و

هەموو شتێک چاکدەکاتەوە

من نەفرینمەندم

فیشەکی نەفرەت دەنێم بەوەی

هیچ شتێکی نیە بۆ تێکدان

هیچ شتێکیشی نیە بۆ چاککردەوە

باڵندە

باڵی بکاتەوە دەفڕێ

مرۆڤ

باڵی بکاتەوە دەنوێ

چ مەخلووقێکن ئەوانەی

باڵی خۆیان کڵۆمداوە

سەیر نیە ئەگەر پێنەکەنم

سەیریش نیە ئەگەر نەگریم

من لە وڵاتێک دەژیم

ئەوەندە پێدەکەنن

ئەوەندە دەگرین

بەشی منیان

لە هیچیان نەهێشتۆتەوە