شەهید. …

هەڵۆ ئەوکاتەی خاڵی شهید بوو تەمەنی نزیک بە نۆ ساڵن بوو ،. خوێندکارێکی ژیر و وریا و خاوێن بوو ،. دایک و باوکێکی هەژار بەڵام سەربەست و باوەر بە خۆ لە هەمێزی خۆشەویستیان گرتبوو .. گوندەکەی ئەوان نزیکەی دوو سەد ماڵێک دەبوو قوتابخانەی یێدس بوو ، گەرماوی نمرەی تێدا بوو ، بەراورد بە گوندەکانی دیکەی دەور و بەر ئاوەدانییەکی جیاتری هەبوو ، چەند مامۆستایەکی شاری لە ژن و پیاو رۆژانە دەهاتن و وانەیان بە قوتابیانی گووندەکە کە هی زۆر گوندی دەورو بەری تێدا بوو دەوتەوە..

دایکە … دایکە پێم بڵێ بۆ دەگریت …..!!

رۆڵە هەڵۆ تۆ هێشتا منداڵیت و تێناگەیت ، ئەوە خاڵت لە پێناوی ئەم خاکەدا بوو بەقوربانی و شەهید بوو …

ئەم خاکە چییەتی دایە وا قوربانی دەوێت …!!

ناڵێم هێشتا زووە و تێیناگەیت کورم …

بە دەم هەنسکی گریانەوە هاوبەشی دایکی کرد بەڵام تێینەدەگەیشت چی رووی داوە ..

رۆژگار هات و رۆیی هەڵۆ بۆ ساتێکیش خاڵی لێ وون نەدە بوو هەمیشەش بە هاورێکانی دەگووت کەی گەورە بووین وەک خاڵم دەچین بۆ ئەم خاکە شەید دەبین …!

تەمەن هەڵکشا و هەڵۆ گەورە بوو قۆناغەکانی خوێندنی بە جوانی بری و لە ناوەندیدا رێگای قوتابیانی گرت و کەوتە تێکۆشان بۆ ئەوەی خاکەکەی رزگار بکات و هەمیشە هاورێکانی هاندەدا رێگای شەهیدان وون نەکەن ..

لە قۆناغێکدا هەڵۆ بێ پرسی دایک و باوکی ، تەنها خۆشەویستەکەی ئاگادارکردەوە کە دەچێتە شاخ ..

هەڵۆ ؛ تۆ دەرۆیت من چۆن بژیم لێرە …!!

خەمت نە بێ خەندە گیان من دەچم و خاک پارێزی بۆ تۆ دەکەم …

باشە بەڵام منت بیر نەچێ ..!!

دڵنیابە مەگەر خۆمم بیر بچێ ….

شکست هاتە پێشێ هەڵۆ بە گریانەوە رووی کردە لای کافە خان و گووتی برسیمە …

کافەخان گووتی ؛ بۆ هێندە سەخڵەتی ئەگەر ئێمە خاوەنی خۆمان بین خەمت نەبێ کاروانێکی دیکە بەرێوەیە ، وەرە نانەکەت بخۆ …

بە قورگی پر گریانەوە نەختێ برنجی سوری خوارد و کەوتە چاوەرێی کاروانی نوێ …..