سێ دڵۆپە شیعر
ڕۆژ هەڵەبجەیی/ شاعير / سلێمانی
چاوەڕوانی تا ئەبەد سەرقاڵی،
هەموو تاشە بەردەکان چاوەڕوانی،
چاوی هەڵۆ و
چاوی درەختەکان شەقژنی باڵندە و
لە چاوی دەرگاکانی دڵی منیشدا،
دڵوپ دڵۆپ چاوەڕوانی چاوی تۆ !
حەسرەت سەراپا لە مندا چینە دەکا،
نیگام حاڵی لێ هاتووە ،
بۆ چنینەوەی بینینت!
تۆ خەریکی چینینەوەی چ کفرێکی تۆ ؟!
من تامی توڕەبوونم چەشتووە،
لە ساردی تۆ
تۆ نغرۆ بە نابینایی ،
لە چاڵی پێکەنینتا بەفر باریوە ،
تۆ چ کافرێکی !
ڕۆژ هەڵەبجەیی
