تۆ هەڵە بووی …..!!!
خاليد شەيدا/ نووسەر و شاعير / ئەڵمانيا
باش لەبیرمە
یەکەم جار بوو
لە باخچەکەی ناو کۆلێژ
کە یەکترمان بینی ….
بە خێرایی بڕیارت دا و
زوو پێت وتم ناشیرینی!
ڕاستە گیانە ….
هەتا تۆ حەز دەکەیت ،
جوان نیم لە شێوە و ڕوخسارم
بەس ئادەی توخوا پێم بڵێ
بەس کوا ئەشق …
بە جوانی ڕەنگ و ڕووخسارە؟
نا وانییە ….
دەبێ ئاشقی جوانی دڵ بێت
بۆیە دەڵێم ….
زۆر هەڵە بوو لەو بڕیارەت !
من دڵێکی جوانم هەبوو
پاک و خاوێن و بێ درۆ
سەد مخابن
تۆ خێرا لە خاچت دا .
