خۆشەویستم
جەلال هانيسی/ نووسەر و شآعير / نەرويژ
خۆشەویستم
چلۆن گوێ ناگری
لە نەغمەی ترپەی دڵی گەرمم
کە خەیاڵی زین و مەم دەکا
چلۆن قومێ ئاوی گۆزەی
سوورم
پێنادەی تۆ
کە وەختە بتکی مرواری چاوم
ڕێگەی دووری سنوورم بڕیوە
تا ببینم بەرجەوەنی ڕەشماڵەکەت
کە پڕن لە ئاسک و تەیران
کەنیشکی دیاری تاقوەسان و
تاقی سەرپێڵ و سەرمێڵ و کرند
بیری گەشتی ئەم چیا و ئێڵاخە
من دەباتەوە بۆ چاخی ئاشقانی هەوارنشین
کە زۆریان نەگەینە یار و
ببوون بە دین.
