گوڵاڵە عوسمان
١
هەر ئەوەندەی هەبوون ،
ئیتر نەبوون بەدەوری
تەنیاییمدا…..
دەسوڕانەوە
وەڵامەکانمیان………..نەدەویست
لە تۆ نزیکتر بوون لێمەوە
چاوەکانت……..
٢
سەرنجەکانت
پڕیان دەکردمەوە
ڕۆحمیان دەتەکاند
پەنایان پێدە هێنام
لە چاوەکانتدا ونبوون
چاوەکانم
٣
گۆمی بێدەنگیتیان
شڵەقاند
بیابانی تەنیایتیان دەبڕی
لای ونبوونەکانت
دەگەڕانەوە
هەر ڕۆژە و ڕچەیەکیان
لەچاوەکانتدا لێدەدا ………
چاوە کانممممممم .
٤
چاوەکانت
پێکی تەنیایمیان پڕدەکرد
لە ئارامی
لە گەردنمەوە دەستیان پێدەکرد
پەنجەکانتی لە کەزیەمدا
شە تڵ دەکرد
سەفەرێکی ڕووت بوون
بۆ ناو کراسەکەم جا …..
چیان نە دەکرد چاوەکانت
٥
چ
نەخشەیەکی ئاڵۆز و………
دوورگەیەکی دوور و ……..
چ
سەنگەرێکی بێ بەرگری بوون
چاوەکانت
چ
گەڕانێک بێ وچان و ……..
وێنەیەکی لێڵ و …….
چ
خاڵێکی نادیار بوون چاوەکانم
٦
ئەو ساتانەی،
وایان دەزانی من ….
تۆ م و …..
تۆش من …….
چاوەکانت ئەو دەمانەی ……..
چاوی تۆ بوون ………
چاوەکانم …….
لە ڕاستیدا ئەو ساتانەی
چاوی تۆبوون چاوی
هەردووکمان بوو چاوەکانت ……….
