رێزان قەساب
٢-٣-٢٠٢٤
زمانی شیعرم لاڵبووە
دڵم بە ئاستە م نوزە ى
تياماوە
ئای لەم عیشقە
سەرگەردانەم ماندوویکردم
هێندە بەدوای بانگە واز و
گەڕانی بێ سۆراغیدا
هەڵوەدابووم
نایدۆزمەوە و دڵم ئەڵێت
ئەو بووە بەدرەختێک و
ڕۆژ بەڕۆژ بەری جوانتر و
تامی میوەی شیرینتر و
سەوزتر و جوانتر ئەبێ
نەیدۆزمەوە بێئارامم
نەیدۆزمەوە نائومێد و
ئەم دڵەم وێرانتر ئەبێ
ڕۆژنیە ئاگر لەشەو
بەرنەبێ
شەونیە ڕۆژ هەڵنەقرچێ
لەلای دەریا سکاڵا
لەهەور ئەکەم
لەلای باران
باسی نەهاتنت ئەکەم..
