بروسکەی پیرۆزبایی بۆ یەکێتی نووسەرانی کورد
بە بۆنەی ٥٥ ساڵەی دامەزرانی یەکیتی نووسەرانی کورد، کە یەکێکە لە دەستکەوە نەتەوەیی و مێژووییەکانی کوردستان، (فیدراسیۆنی نووسەرانی کوردستان لە دیاسپۆرا) بروسکەیەکی پیرۆزبایی پێشکەش کردوون و ئاماژە بەوە دەکات، کە نووسەران “هەمیشە قەڵەم و بیریان لەگەڵ شۆڕشی نەتەوەیدا لە جۆش و خرۆش بووە. سەرباری ڕۆڵی کاریگەر و جوامێرانە و هەڵوێستی کوردانەیان”. ئەمە دەقی بروسکەی پرۆزباییەکەیە:
برایانی بەڕێز لە یەکێتی نووسەرانی کورد
سڵاوی قەڵەم و بیر
خۆمان بە بەختەوەر و خۆشحاڵ دەزانین بە ناوی خۆمان و تەواوی ناوەند و نووسەرانی فیدراسیۆنمانەوە پیرۆزبایی پەنجاو پێنجەمین ساڵیادی دامەزراندنی یەکێتییەکەتان لێ بکەین، ئەو یەکێتییەی ھەمیشە لە سەنگەری نەتەوەیی و نیشتیمانیدا بووە و نووسەرانی بە قەڵەم و بیری بوێرانەیانەوە بە گژ دێوەزمەی داگیرکەراندا چۆنەتەوە، ڕۆڵی کاریگەر و جوامێرانەیان گێڕاوە و ھەڵوێستی کوردانەیان نواندووە، ھەرچەندە ڕێکخراوێکی شار بووە وەلێ ھەمیشە قەڵەم و بیریان لە گەڵ شۆڕشی نەتەوەییدا لە جۆش و خرۆش بووە، جارێکی دی پیرۆزبایی گەرمی خۆمانتان پێشکەش دەکەین و ھیوای سەرکەوتن و بەردەوامیتان بۆ دەخوازین.
