ناوی کوردستان لە مۆزەخانەی نیکۆس کازانجاکس زیاد دەکرێت
بەپێی هەوالێک کە نووسەر و وەرگێڕ ئومێد قەرەنی بە دیاسپۆرای داوە، لە دەستپێشخەری و کۆششی ئەم نووسەرە کوردە، ناوی کوردستان لە جیاتی ناوی عێراق لە تەک دەقە کوردییە وەرگێڕدراوەکانی نووسەری یۆنانی نیکۆس کازانجاکسی زیاد دەکرێت. ئەمە دەقی هەواڵەکەیە:
“سوپاسنامەی دامەزراوە و مۆزەخانەی نیکۆس کازانجاکیس”
ئەمڕۆ سوپاسنامەیەکم لە دامەزراوە و مۆزەخانەی ”نیکۆس کازانجاکیس” لە یۆنان وەدەست گەیشت، ئەو رێزلێگرتنە لە پای کۆشش و بەدواداچوونەکانم بوو بۆ ئەو بەرهەمانەی نووسەری ناوداری یۆنانی ”نیکۆس کازانجاکیس” کە وەرگێڕدراونەتە سەر زمانی کوردی.. سەرەنجام لەسەر پێشنیاری من ناوی وەرگێڕە کوردەکان لە تەک وەرگێڕدراوەکانیان لە ئەرشیفی مۆزەخانەکە تۆمارکران کە ئەو وەرگێڕانە بوون کاک (دلاوەر قەرداغی، کەریمی حیسامی، حەمەکەریم عارف، عەبدولکەریم شێخانی، رەوف بێگەرد)، هەروا ناوی ”ئێراق”مان لە تەک بەرهەمە وەرگێڕدراوە کوردییەکان لابرد و تەنیا ناوی ”کوردستان”مان جێگیرکرد.
سوپاسی زۆرم بۆ سەرجەم بەرێوەبەرانی مۆزەخانەکە بە تایبەتییش بەرپرسی پێشانگە بەردەوامەکان و پەیوەندییەکانی مۆزەخانەکە ”کۆستیس کاناکیس” و جێگری بەڕێوەبەری مۆزەخانەکە ”پاراسکێڤی ڤاسیلیادیس”.
دەقی سوپاسنامەکە:
بەرێز قەرەنی.
سوپاسی گەرمت دەکەین لە پای گرنگییدان و ئەو بایەخەی دەینوێنن بۆ کارەکانی نیکۆس کازانجاکیس. زانیارییەکانت پشتڕاستکراونەتەوە، دوای نوێکردنەوەی ماڵپەڕی فەرمیشمان گشت زانیارییەکانت جێگیرکراون.
لەگەڵ رێز
کۆستیس کاناکیس
بەرپرسی پێشانگە بەردەوامەکان و پەیوەندییەکانی مۆزەخانەی نیکۆس کازانجاکیس
Μουσείο Καζαντζάκη – Kazantzakis Museum
